آه من قهـر خـيّم في حنايا الكبود
................ زلـزل الـروح وأختلت قوانينها
آه من وقت شـين إعتز فيه اليهود
................ والعـرب غافلين وضـيعت دينها
كـل يوم وشـر اهل القراده يـزود
................ القـراده لهـم وهـم مخـاوينها
ماتقدّر صـلاة الراكـعين السـجود
................ يالله إنك بفضلك زلـزل ركـونها
كـل تـاريخهم مليان خـزي ونقود
................ من قديم الزمن شانت وفي حينها
ظلم صهيون جاير ومتعدي الحـدود
................ فـوقهم ياصـمد ثـوّر براكينها
جنس مجرم عسى في روحته مايعود
................ لـه نهـار ننصّـب له نياشينها
له نهـار نشـب النار مثل الرعـود
................ ويـن ذيك الليالي ياعـرب وينها
العـرب لـو تقول مـوفّيه للوعـود
................ توفـي الكـيل وتقـرّر موازينها
العرب رمزهم حفظ الشرف والصمود
................ ماتسـاوم عليها لو بكـت عينها
العـرب أهل نخوه واهل طيب وجود
................ تهين من هـو يحاول مرة يهينها
شيّدوا مجـد من طنجه لأرض الهنود
................ دعـوة الإسـلام والـدين داعينها
المثنى وخـالد نعـم ذيـك الجـنود
................ جـعلهم جـنة خضـرا ريـاحينها
ولا ذكـرنا صـلاح الدين انعم وزود
................ من خيـار الرجـال ومن سلاطينها
يـاعـرب حنا امـه للخـلايق تقود
................ ليش نسـكت على الوقت ومجانينها
قوموا قـومة رجل واحد نزيل النكود
................ عيشـة الـذل لاعـاشت مضامينها
نرفـع الراس لاعـادت حياة الزهود
................ شـربة الموت للعـدوان سـاقينها
وبالنهاية نصـلي عـد رمـل النفود
................ تبلـغ المصـطفى قـايد ميـامينها
صقرالنوايف